उदयगिरी महाविद्यालयातील राष्ट्रीय छात्रसेनेतर्फे कारगिल विजय दिवस साजरा

उदगीर —  कॅप्टन कृष्णकांत स्मारक, कृष्णकांत चौक येथे महाविद्यालयातील राष्ट्रीय छात्रसेनेने उत्साहात कारगिल विजय दिवस साजरा केला. कार्यक्रमात कॅप्टन कृष्णकांत यांच्या स्मारकाला पुष्पहार अर्पण करून मानवंदना देण्यात आली. कार्यक्रमाला प्रमुख पाहुणे महाराष्ट्र एज्युकेशन सोसायटीचे अध्यक्ष बसवराज पाटील नागराळकर होते, त्यांनी युवा पिढीमध्ये देशभक्तीचे बीज पेरावे अशी प्रेरणा दिली. एनसीसी कंपनी कमांडर कॅप्टन डॉ. राम साबदे यांनी देशसेवेचे महत्त्व आणि कारगिल युद्धातील शूरवीरांच्या बलिदानाबद्दल बोलून विद्यार्थ्यांना प्रेरीत केले. एनसीसीचे सर्व छात्रसैनिक आणि एनसीसी बटालियनचे पीआय स्टाफ सुभेदार दरबार सिंह, हवालदार सुनील कुमार काळे आणि हवालदार अमोल मोरे यांनीही कार्यक्रमात सक्रिय सहभाग नोंदवला

दिल्ली येथे विद्यार्थ्यावर झालेल्या अमानुष मारहाणीचा आणि नीट (NEET) प्रश्नपत्रिका फुटीच्या निषेधार्थ काळ्या फिती लावून आंदोलन

 

उदगीर : महाराष्ट्र उदयगिरी महाविद्यालयातील सर्व शिक्षक, शिक्षकेतर कर्मचारी आणि विद्यार्थ्यांनी नीट (NEET) प्रश्नपत्रिका फुटीच्या घटनेचा तसेच दिल्ली येथे विद्यार्थ्यावर झालेल्या अमानुष मारहाणीचा तीव्र निषेध नोंदविला. यावेळी सर्वांनी काळ्या फिती (Black Ribbon) लावून निषेध व्यक्त केला. विद्यार्थ्यांच्या भविष्याशी खेळ करणाऱ्या अशा गैरप्रकारांविरोधात कठोर कारवाई व्हावी, तसेच देशातील सर्व स्पर्धा परीक्षा पारदर्शक, निष्पक्ष आणि विश्वासार्ह पद्धतीने घेण्यात याव्यात, अशी मागणी यावेळी करण्यात आली शांततापूर्ण  पद्धतीने पार पडलेल्या या आंदोलनात महाविद्यालयातील सर्व शिक्षक, कर्मचारी आणि विद्यार्थ्यांनी या उत्स्फूर्त सहभाग नोंदवून परीक्षेतील गैरप्रकारांविरोधात एकजूट दर्शविली. हे आंदोलन यशस्वी करण्यासाठी ऋषिकेश गायकवाड, अभिनव देवकते, पठन इर्षाद, पठाण आसिया, शेख नुसरत, तांबोळी मुस्कान, सय्यदा माहीन यांनी पुढाकार घेतला.

उदयगिरीत लोकमान्य टिळक यांची जयंती साजरी

 

उदगीर- येथील महाराष्ट्र उदयगिरी महाविद्यालयात लोकमान्य टिळक यांची जयंती साजरी करण्यात आली. महाराष्ट्र एज्युकेशन सोसायटीचे उपाध्यक्ष अ‍ॅड. प्रकाश तोंडारे यांनी लोकमान्य टिळक यांच्या प्रतिमेस पुष्पहार अर्पण करून अभिवादन केले. प्रणिशास्त्र विभागातील प्रा. डॉ. पी. एस. शेटे यांनी उपस्थितांना लोकमान्य टिळक यांच्या कार्याविषयी माहिती सांगितली. यावेळी सहसचिव प्रशांत पेन्सलवार, कोषाध्यक्ष महादेव नौबदे, प्राचार्य डॉ. आर. के. मस्के, उपप्राचार्य डॉ. एस. एन. हल्लाळे, ग्रंथपाल डॉ. एल. बी. पेन्सलवार, स्टाफ सेक्रेटरी प्रा. डॉ. बंकट कांबळे, दिनविशेष समिती प्रमुख प्रा. डॉ. एम. जे. कुलकर्णी तसेच शिक्षक व शिक्षकेतर कर्मचारी उपस्थित होते.

उदयगिरी महाविद्यालयात अजितदादा पवार यांची जयंती साजरी

उदगीर- येथील महाराष्ट्र उदयगिरी महाविद्यालयात महाराष्ट्राचे माजी उपमुख्यमंत्री अजित दादा पवार यांची जयंती साजरी करण्यात आली. महाराष्ट्र एज्युकेशन सोसायटीचे उपाध्यक्ष बसवराज पाटील मलकापूरकर यांच्या हस्ते अजितदादा पवार यांच्या प्रतिमेस पुष्पहार अर्पण करून अभिवादन करण्यात आले. यावेळी उपाध्यक्ष अ‍ॅड. प्रकाश तोंडारे, प्राचार्य डॉ. आर. के. मस्के, उपप्राचार्य डॉ. एस. एन. हल्लाळे, ग्रंथपाल डॉ. एल. बी. पेन्सलवार, स्टाफ सेक्रेटरी प्रा. डॉ. बंकट कांबळे, दिनविशेष समिती प्रमुख प्रा. डॉ. एम. जे. कुलकर्णी तसेच शिक्षक व शिक्षकेतर कर्मचारी उपस्थित होते.

मराठी विभागातर्फे प्रा. रामदास केदार आणि प्रा. बिभीषण मद्देवाड यांचा सत्कार

उदगीर—महाराष्ट्र उदयागिरी महाविद्यालयाच्या मराठी विभागात प्रा. रामदास केदार आणि प्रा. बिभीषण मद्देवाड यांचा सत्कार करण्यात आला. प्रा. रामदास केदार यांचे साहित्य महाराष्ट्र व गोवा राज्यांच्या शालेय अभ्यासक्रमांत निवड झाल्याबद्दल त्यांचा गौरव करण्यात आला. बालभारती, महाराष्ट्राने त्यांच्या कवितेला "गीत मराठी गाऊया" हा सहावीच्या अभ्यासक्रमात आणि गोवा राज्याने त्यांचे बालनाटक "वाचणारी डोकी हवीत" हे पाचवीच्या अभ्यासक्रमात समाविष्ट केले आहे. तसेच महाराष्ट्रातील चार विद्यापीठांच्या अभ्यासक्रमांतही त्यांच्या साहित्याची निवड झाली आहे. याच कार्यक्रमात प्रा. बिभीषण मद्देवाड यांनाही सन्मानित करण्यात आले. रंगकर्मी साहित्य कला क्रीडा प्रतिष्ठान, पत्रकारिता, साहित्य संमेलन, राज्य साहित्य-संस्कृती मंडळाच्या कार्यक्रमांपासून विविध आरोग्य शिबिरे, मुलींच्या नावाने केलेले एफडी, शिक्षक साहित्य संमेलन, राष्ट्रीय लघुपट महोत्सव, पर्यावरण पूरक उपक्रम, पथनाट्याद्वारे मतदार जाणीव जागृती अशा क्षेत्रात त्यांच्या बहुप्रकारच्या सेवेमुळे ते परिचित आहेत. त्यांच्या या समर्पित कार्याबद्दल मराठी विभागाकडून त्यांचाही सत्कार करण्यात आला.

सत्कार कार्यक्रमात महाविद्यालयाचे उपप्राचार्य प्रा. डॉ. एस. एन. हल्लाळे, मराठी विभागप्रमुख प्रा. डॉ. दीपक चिद्दरवार, प्रा. डॉ. बी. आर. दहिफळे आणि इतर सर्व उपस्थित प्राध्यापकांच्या हस्ते दोन्ही माजी विद्यार्थ्यांमचा सत्कार करून अभिनंदन करून पुढील कार्यासाठी शुभेच्छा देण्यात आल्या.

जागतिक पेपर बॅग दिनानिमित्त राष्ट्रीय छात्र सेनेच्या वतीने पेपर बॅग निर्मिती प्रशिक्षण

उदगीर — जागतिक पेपर बॅग दिनानिमित्त महाराष्ट्र उदयगिरी महाविद्यालयात राष्ट्रीय छात्र सेनेच्या वतीने विद्यार्थ्यांना पेपर बॅग बनवण्याचे व्यापक व्यावहारिक प्रशिक्षण आयोजित करण्यात आले. कार्यक्रमाचे प्रास्ताविक महाविद्यालयाचे एनसीसी कंपनी कमांडर कॅप्टन डॉ. राम साबदे यांनी केले. कार्यक्रमाचे अध्यक्ष महाविद्यालयाचे उपप्राचार्य डॉ. एस. एन. हल्लाळे होते. प्रमुख पाहुणे तथा साधन व्यक्ती म्हणून चंद्रदीप बालाजी नादरगे उपस्थित होते. कार्यक्रमात प्रमुख उपस्थिती स्टाफ सेक्रेटरी डॉ. बी. एस. कांबळे हे होते. सूत्रसंचालन कॅडेट पद्मजा वाडकर यांनी केले तर आभार प्रदर्शन कॅडेट रत्नपारखे करण यांनी केले. या कार्यशाळेत चंद्रदीप नादरगे यांनी विद्यार्थ्यांना पेपरपासून बॅग तयार करण्याचे तांत्रिक व प्रायोगिक प्रशिक्षण दिले. सदर प्रशिक्षणात महाविद्यालयातील राष्ट्रीय छात्र सेनेचे सर्व छात्र सैनिक आणि विविध शाखांतील विद्यार्थी सहभागी झाले व त्यांनी विविध आकारांच्या व शैलींच्या कागदी पिशव्यांचे नमुने तयार केले. 

या कार्यक्रमाचे आयोजन महाविद्यालयाचे प्राचार्य डॉ. आर. के. मस्के यांचे मार्गदर्शनाखाली करण्यात आले होते. तसेच एनसीसी बटालियन लातूरचे कमांडिंग ऑफिसर कर्नल संतोष नवगन व प्रशासकीय अधिकारी कर्नल वाय. बी. सिंग यांचे मार्गदर्शन व सहकार्य लाभले.डॉ. आर. पी. साबदे यांनी आपल्या उद्बोधनात प्लास्टिकच्या अनावश्यक वापरामुळे होणाऱ्या पर्यावरणीय हानीवर जोर देत पेपर बॅगचा वापर वाढवण्याचे आवाहन केले. कार्यक्रमाचे अध्यक्ष व उपप्राचार्य डॉ. एस. एन. हल्लाळे यांनी विद्यार्थी व उपस्थितांना हा संदेश समाजापर्यंत पोहोचवण्याचे आवाहन केले.

महाराष्ट्र उदयगिरी महाविद्यालयाचे एमएचटी-सीईटी परीक्षेत घवघवीत यश

उदगीर : राज्य सामायिक प्रवेश परीक्षा (एमएचटी-सीईटी) 2026 मध्ये महाराष्ट्र उदयगिरी महाविद्यालयाच्या विद्यार्थ्यांनी उल्लेखनीय यश संपादन केले आहे. महाविद्यालयातील विद्यार्थ्यांनी उत्कृष्ट गुणवत्तेची कामगिरी करत महाविद्यालयाच्या शैक्षणिक परंपरेत आणखी भर घातली आहे. या परीक्षेत वायचळे संस्कृती हिने 98.45 पर्सेंटाइल मिळवून महाविद्यालयात प्रथम क्रमांक पटकावला. शिवपूजा कोरे हिने 98.29 पर्सेंटाइल मिळवून द्वितीय क्रमांक मिळविला, तर वट्टमवार प्रांजली हिने 97.37 पर्सेंटाइल मिळवून तृतीय क्रमांक प्राप्त केला. महाविद्यालयातील 15 विद्यार्थ्यांनी 90 पर्सेंटाइलपेक्षा अधिक गुण मिळविले असून 18 विद्यार्थ्यांनी 80 पर्सेंटाइलपेक्षा अधिक गुण संपादन केले आहेत. या यशामुळे महाविद्यालयाच्या शैक्षणिक गुणवत्तेची पुन्हा एकदा प्रचिती आली आहे. या यशाबद्दल महाराष्ट्र एज्युकेशन सोसायटीचे अध्यक्ष बसवराज पाटील नागराळकर, उपाध्यक्ष अ‍ॅड. प्रकाश तोंडारे, उपाध्यक्ष बसवराज पाटील मलकापूरकर, सचिव डॉ. रामप्रसाद लखोटिया, सहसचिव मल्लिकार्जुन चिल्लरगे, सहसचिव प्रशांत पेन्सलवार, कोषाध्यक्ष महादेव नौबदे तसेच सर्व संस्था सदस्य, प्राचार्य डॉ. आर. के. मस्के, उपप्राचार्य डॉ. एस. एन. हल्लाळे, समन्वयक प्रा. एस. जी. कोडचे, पर्यवेक्षक प्रा. एस. व्ही. मुडपे आणि प्रा. टी. एन. सगर यांनी सर्व यशस्वी विद्यार्थ्यांचे अभिनंदन करून त्यांच्या पुढील शैक्षणिक वाटचालीस शुभेच्छा दिल्या.

महाराष्ट्र उदयगिरी महाविद्यालयात वसंतराव नाईक जयंती उत्साहात साजरी

उदगीर : महाराष्ट्र उदयगिरी महाविद्यालयात महाराष्ट्राचे माजी मुख्यमंत्री, हरित क्रांतीचे शिल्पकार व शेतकऱ्यांचे हितचिंतक वसंतराव नाईक यांची जयंती उत्साहात साजरी करण्यात आली. यानिमित्त महाविद्यालय परिसरात ‘उपविभागीय अधिकारी सुशांत शिंदे व तहसीलदार राम बोरगावकर’ यांच्या हस्ते वृक्षारोपण करण्यात आले. पर्यावरण संवर्धनाचा संदेश देत अधिकाधिक वृक्ष लागवड व संवर्धन करण्याचे आवाहन यावेळी मान्यवरांनी केले. कार्यक्रमाच्या अध्यक्षस्थानी महाराष्ट्र एज्युकेशन सोसायटीचे अध्यक्ष बसवराज पाटील नागराळकर हे होते. प्रारंभी मान्यवरांच्या हस्ते वसंतराव नाईक यांच्या प्रतिमेला पुष्पहार अर्पण करून अभिवादन करण्यात आले. यावेळी उपविभागीय अधिकारी सुशांत शिंदे यांनी आपल्या भाषणात वसंतराव नाईक यांच्या दूरदृष्टीपूर्ण नेतृत्वाचा, कृषी विकासासाठी राबविलेल्या योजनांचा तसेच जलसंधारण, ग्रामीण विकास आणि हरित क्रांतीतील त्यांच्या योगदानाचा गौरव केला. तहसीलदार राम बोरगावकर यांनीही वसंतराव नाईक यांच्या लोकाभिमुख प्रशासनाची आणि शेतकरी हिताच्या धोरणांची माहिती देत त्यांच्या कार्यातून प्रेरणा घेण्याचे आवाहन केले. याप्रसंगी प्रा. मनोहर समगर यांनी वसंतराव नाईक यांच्या जीवनकार्याचा सविस्तर आढावा घेत त्यांच्या सामाजिक, शैक्षणिक व कृषी क्षेत्रातील उल्लेखनीय कार्यावर प्रकाश टाकला. कार्यक्रमाचे प्रास्ताविक प्राचार्य डॉ. आर. के. मस्के यांनी केले, अध्यक्षीय समारोप बसवराज पाटील नागराळकर यांनी केला. कार्यक्रमाचे सुत्रसंचालन स्टाफ सेक्रेटरी नागनाथ खांडेकर यांनी केले तर प्रा. डॉ. मुकेश कुलकर्णी यांनी उपस्थितांचे आभार मानले. या कार्यक्रमास महाराष्ट्र एज्युकेशन सोसायटीचे उपाध्यक्ष बसवराज पाटील मलकापूरकर, सहसचिव मल्लिकार्जुन चिल्लरगे, कोषाध्यक्ष महादेव नौबदे तसेच संस्था सदस्य अ‍ॅड.अजय दंडवते, शिवराज वल्लापुरे, उपप्राचार्य डॉ. एस. एन. हल्लाळे महाविद्यालयातील प्राध्यापक, शिक्षकेतर कर्मचारी, विद्यार्थी मोठ्या संख्येने उपस्थित होते.