महाराष्ट्र उदयगिरी महाविद्यालयात योगदिन उत्साहात साजरा

उदगीर — महाराष्ट्र उदयगिरी महाविद्यालयात क्रीडा विभाग, राष्ट्रीय छात्रसेना व राष्ट्रीय सेवा योजना यांच्या संयुक्त विद्यमाने  बारावा योगदिन उत्साहात साजरा करण्यात आला. कार्यक्रमाचे मार्गदर्शन योगगुरू शंकरराव चापोलीकर यांनी केले. महाविद्यालयाचे प्राचार्य डॉ. आर. के. मस्के यांनी योगगुरूंचे औपचारिक स्वागत केले व कार्यक्रमाला शुभेच्छा दिल्या.

यावेळी  प्राध्यापक, राष्ट्रीय छात्रसेनेचे विद्यार्थी, राष्ट्रीय सेवा योजनेचे स्वयंसेवक विद्यार्थी, खेळाडू व शिक्षकेतर कर्मचारी  मोठ्या संख्येने उपस्थित राहून योगाभ्यासात भाग घेतला. विविध शारीरिक व मानसिक स्वास्थ्यासाठी उपयुक्त अशा आसने, श्वासोच्छ्वासाचे व्यायाम व ध्यानाचे मार्गदर्शन योगगुरूंनी उपस्थितांना केले. कार्यक्रमाच्या यशस्वी आयोजनासाठी राष्ट्रीय छात्रसेनेचे कमांडर प्रा. डॉ. राम साबदे, राष्ट्रीय सेवा योजनेचे कार्यक्रमाधिकारी प्रा. डॉ. बालाजी होकरणें, प्रा. डॉ. एन. डी. वगशेट्टी, प्रा. डॉ. सुनंदा भद्रशेट्टे, क्रीडा संचालक सतीश मुंढे, रमजू शेख यांनी कार्य केले.