माजी विद्यार्थी ओझर सरफराज मलकजी यांचा उदयगिरी महाविद्यालयात सत्कार

माजी विद्यार्थी ओझर सरफराज मलकजी यांचा उदयगिरी महाविद्यालयात सत्कार

उदगीर : महाराष्ट्र उदयगिरी महाविद्यालयाचा माजी विद्यार्थी ओझर सरफराज मलकजी याची हैदराबाद येथील सेल्सफोर्स कंपनीत निवड झाल्याबद्दल महाविद्यालयाच्या वतीने त्याचा सत्कार करण्यात आला. संस्थेचे अध्यक्ष बसवराज पाटील नागराळकर यांच्या हस्ते शाल, पुष्पगुच्छ व ग्रंथ भेट देऊन हा सत्कार करण्यात आला. यावेळी उपाध्यक्ष अ‍ॅड. प्रकाश तोंडारे, सहसचिव प्रशांत पेन्सलवार, प्राचार्य डॉ. आर. के. मस्के, पर्यवेक्षक प्रा. संजय मुडपे व प्रा. तिरुपती सगर उपस्थित होते. ओझर सरफराज मलकजी याने बारावीचे शिक्षण महाराष्ट्र उदयगिरी महाविद्यालयात पूर्ण केले असून संगणकशास्त्र विषयात आयआयटी, धनबाद येथून पदवी शिक्षण घेतले आहे. महाविद्यालयीन काळात कोणत्याही प्रकारची शिकवणी न लावता केवळ प्राध्यापकांच्या मार्गदर्शनाखाली स्वयंअध्ययन व नियमित अभ्यास केल्यामुळे हे यश मिळाल्याचे त्याने सांगितले. विद्यार्थ्यांनी स्वयंअध्ययनाला प्राधान्य देऊन नियमित तासिकांना उपस्थित राहावे, असा संदेशही त्याने दिला. कार्यक्रमाचे सूत्रसंचालन प्रा. नागनाथ खांडेकर यांनी केले.